منتديات وانتوهـــــــات كل الجديــد وكل اللى فــات
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتديات وانتوهـــــــات كل الجديــد وكل اللى فــات

كبـــارا ً بدأنــــــــا ......... وكبارا ً نستمـــــر
 
الرئيسيةالبوابةاليوميةس .و .جبحـثالتسجيلدخول
*** المواضيع المثبته والهـــــامه ***
لزيارة جروب وانتوهات على الفيس بوك والإنضمام اليه اضغط هنــــــــــا .. شاركنا .... واعمل دعوة لصحابك .....

شاطر | 
 

 ازاى تخلع من اكبر ورطه ف حياتك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نيوتن
مشــرف
مشــرف


رقم العضـــويــــــه : 13
ذكر
تاريخ التسجيل : 27/10/2009
عدد المشاركــات : 207
مزاجك ايه ؟ : تعباااان اوى اوى
sms message sms message : NO LOVE NO MISSING NO FEELING
ALL THIS THING IS DISAPPEARED
EXCEPT FROM U MY HONEY


النــقــــــاط : 8847

مُساهمةموضوع: ازاى تخلع من اكبر ورطه ف حياتك   11/6/2010, 19:59


بسم الله الرحمن الرحيم

السلام عليكم ورحمه الله وبركاته



ازيكم يا شباب .. ويا بنات(اللى خلى المشرفه بنت .. نقول يا بنات وماله)

يا رب تكونوا بخير

جاى بقى اكلم الشباب .. واعلمهم حاجه حتنفعهم ف حياتهم كلها

وهى ازاى تخلع م العروسه

بص يا فندم

حندخل ف النصايح على طول .. وحديك بقى تفصيل جميل جدا

حيبسطك يا معلم



اول حاجه .. حقولك ازاى ان فى عروسه تدق الابواب ( زى الاحتلال كده )

تلاقى نفسك قاعد ف امان الله .. لا بيك ولا بيك برضوا

والست الوالده جايه .. وف ايديها كوبايه الشاى قائله " يا ابنى انا كبرت بقى .. والعمر جرى بيا .. وعايزه افرح بيك " ( خد بالك ان بيك دى مؤقتا .. مع الوقت بتبقى فيك يا حبيبى )

طبعا اياك اياك .. ان تنساب وراء تلك الكلمات

ستكون هذه غلطه عمرك .. واول مسمار ف نعش سعادتك( وطبعا مسامير النعش باللزق يا جميل )



طيب وتخلع ازاى يا ريس من الخطر المحدق من كل الجهات ؟؟

اتحجج بانك لسه مش مستقر ف الشغل .. ولسه عندك جيش

او تعانى من اى اضرابات نفسيه .. وانك لسه عليك اقساط وكده

وهكذا .. مما سيتيح لك فرصه لالتقاط الانفاس



طبعا لان دوام الحال من المحال

فالحجج دى .. حتخلص



وحتيجى ف يوم

قاعد ف رعايه الله .. لا عليك ولا عليك

تيجى الست الوالده .. بنفس كوبايه الشاى " بس حتكون بردت "

وتقول " يااااااه .. انا كبرت يا ابنى .. ونفسى افرح بيك .. ايه رايك .. فى عروسه كويسه جدا وبنت ناس وعايزاك تشوفها "

- خد بالك انها لم تذكر الجمال من قريب او بعيد .. تؤ تؤ خالص

واحتمال كبير لو سالتها عن مميزاتها تجد الوضع التالى :



-
هى البنت دى شكلها ايه ؟

-
يعنى .. هى بنت حلال

-
يعنى جميله .. مؤدبه .. طويله .. رفيعه .. ايه بالظبط ؟

-
هى مؤدبه وبنت ناس وعايزه تعيش





يا سلام ع الاوصاف الدقيقه

بنت ناس وبنت حلال وعايزه تعيش

يعنى لم يسبق لها الوفاه ومش من حزب المنتحرين شنقا !!



-
كلمينى بصراحه .. هى جميله ولا لأ ؟

-
يا ابنى الجمال مش كل حاجه

-
طيب هى بيضا ولا ؟

-
يا ابنى السمار نص الجمال

- (
اااااااه يا معلم .. خسرنا النص الاولانى ) يعنى هى سمراء ؟؟

-
هى مش سمرا سمرا .. هى سوده يعنى ( ااااااااه يا معلم .. كده الجمال كله طار يا حلو )

-
طيب هما اغنياء ؟

-
يابنى الفلوس مش كل حاجه

-
يعنى فقراء ؟

-
خدوهم فقراء يغنيكم الله

-
اه يعنى مش كفايه وحشه .. كمان مش لاقيين ياكلوا

-
تقول ضاربه كفا على كف .. يا واخد القرد على ماله .. يروح المال ويفضل القرد على حاله

-
نععععععم .. قرد .. يا خبر .. قرد يا حاجه ؟؟



هنا بقى .. تاكد انك مقبل ع الجواز .. من كلبه بلدى للزواج

وحشيه .. وسوداء .. وتلوث ماء النيل .. وتعكر ماء الجير





ده يا معلم .. لو كانت ذات منظر مش عاجب سيادتك

( حتى لو كنت بتحب الاسود ) فدى طريقه للخلعان يا فندم

--

اما بقى لو كانت جميله .. فاحنا مش حنغلب برضوا

اقولك ازاى

طبعا ان اينعم محطوط ف خانها اليك .. لكن انت اهم حاجه تقنع الحاجه الوالده وانت رايح

انك رايح عشان خاطرها بس .. مُحترق عشانها يعنى .. ( الواد شمعه ياخواتى )



فاحنا حنبدأ نحط العقده ف المنشار

قولتلى ازاى





ازاى تطفش عروسه
خطة أ:

انا ليا شروط في البنت اللي هتجوزه

اولا تبدأ تلك الشروط باسم الفتاة وانطلق كالمترليوز:

-
فلتعلن انك ترفض الفتاة التي تحمل اسما من الاسماء القديمة مثل نعيمة ونوال واحسان وعواطف وكريمة وسهير وفوزية

-
وطبعا الاسماء الفلاحي يجب ان توضع تحت المقصلة مثل ست ابوها وست الدار وخضرة وستوتة وباتعة وناظلة وزليخة ونحمده ونهبده

-
كما انك لا تحب الاسماء ذات الثلاثة احرف او اقل لانك "مابتلحقش تنطقه" مثل رشا ومها وتقى وميس ومي ومنة ونهى وضحى وضي وريم ورغد وود ورنا وسنا ودنا ونهل وهنا وجنى وشوق وشهد وجود وربى وعلا وغلا وحلا وهلا وهيا وهبة وهند وتيا وصبا وصفا وزها وهدى ورؤى ورهف وسحر وسهر وسمر

-
واعلن كذلك رفضك التام للاسماء التي تجبرك على النطق باللغة العربية رغما عنك مثل سهيلة ولجين ونسيلة ورودينة وزبيدة وهويدا ورويدا وروفيدة وثريا وأميمة وسمية واسيل وسلسبيل وميسرة وجويرية وجمانة وجودي ونيجار ونوراج وريتاج واريج وريماس ورفيف وسلاف وسلافة وبلقيس كما ينضم اليهم مجموعة كبيرة تنتهي بالمد والهمزة مثل اسماء وعلياء وغيداء ورغداء وهيفاء وسمراء واسراء وفيحاء وشيماء ولمياء وبيداء وسناء وتيماء وهناء ورواء والاء ورفاء وبراء وثناء وحياء وزهراء وميساء وروميساء

-
ونزولا على قول الشاعر : ومانيل المطالب بالتمنى , فسترفض كل الاسماء التي تعبر عن التمنى مثل منى وامنية وعهد ووعد واماني وعهود ورجاء وامال وامل

-
نأتى للاسماء التي تعبر عن افعال وهي ايضا مرفوضة مثل دعاء ووفاء ووداد وايناس وولاء ونجاة وهيام وجهاد وصباح وسماح وصفاء ولقاء وايمان وابتسام وابتهال واحسان والهام وفداء وانصاف واخلاص وانشراح وخلود وهاجر وشروق واشرقت

-
لا تنس لا للاسماء المجوفة - التي تحوي حرف الالف في وسطها - مثل منال وميار ومنار واثار ورباب ومرام وغرام ويارا وراما وتالا وغادة وهالة وميادة وسماهر وشامة ونوارة ورانا ودانة ودانية وداليا وهانيا وغالية وعالية وراندة ورابعة ومايسة وشافية وفادية وسامية وهادية ونادية

-
هناك ايضا تلك الاسماء التي تعبر عن مفردات من الطبيعة( يعني مش هتكون في الطبيعة وفي البيت كمان) مثل ندى وبسمة ونجمة ونسمة وهمسة وحنة وفرحة وزهرة ووردة وفلة وبهجة ومهرة ومهجة وكوكب وكواكب وياسمين وطيف وتمر حنة وشذى وفرح وعبير وعنبر وكوثر ونرجس ونهير وغدير وفجر وبدر وبدور وسما وشمس وقمر وليالي وحياة وليل ونهار

-
احذر من اسماء حبيبات أبطال الماضي ( دمهم حامي وممكن يقطعوك) مثل ليلي وعبلة وبثينة وعزةودليلة وازيس وريما وهنادي وفؤادة

-
والاسماء التي تعبر عن الجمع غير مستحبة فهي تشعرك انك متزوج اكثر من فتاة (قال يعني واحدة مش كفاية )مثل رحاب وسهام ونهال وجنان واشواق واشجان وأفنان وزهور وأزهار وافكار وانوار وانهار وابرار.

-
اسماء الاصوات مرفوضة لأنها مزعجة فلا لـ هديل وهدير ورنين ورنيم وترنيم وتغريد واغاريد وغنوة ونغم وأنغام وألحان وطرب وطروب.

-
قد نجد فتاة تحمل اسم بعض المفردات باهظة الثمن ..فارفضها لأنها ستظل تعايرك باسمها طوال العمر مثل دهب وفضة وياقوتة ومرجانة وماسة وجوهرة وفيروز ولؤلؤة ولولي وجواهر ولآلئ ومرمر وزمردة وبرلنتي وزمرد ودرة ودرر ودينار ودنانير وكنوز وكنز وكنزي وآثار.

-
أما الاسماء المستفزة التي تفرض عليك الاعجاب بفتاة حتى قبل أن تراها مثل حلوة وجميلة وسارة وحُسن وحسناء وفاتن وزينة وأميرة وامورة وموناليزا وملك وملكة ومليكة هي ايضا خارج الحسابات حيث انك لا تقبل ان يفرض عليك أي شيء

-
هناك أيضا بعض الاسماء التي تفترض ان البنت دي مافيش زيها فلا تفكر فيها أساسا مثل نادرة وفريدة ومجيدة وشهيرة وأمينة واصيلة واصالة وعلية وكرامة ورغدة ونيرة ونوارة

-
اياك والاسماء المثيرة الجريئة مثل دلال وفتون وفتنة وناهد ونهاد وبوسة واغراء , فلن يكون اسما على مسمى بعد خمس اعوام فقط من الزواج بل سيكون نكتة أن ترى انثى-بخلاف انثى الخرتيت- تزن مايقرب من ربع طن واسمها اغراء!

-
أيضا يجب ان تحذر من أسماء الدلع مثل فيفي وزيزي وميمي وتيتي وديدي وسوسو ولولو ودوللي ونانو وشيري ولي لي وسمارة وتمارة.. فإذا كان اسمها الاصلي دلع تخيل بقى لما تيجي تتدلع .. اجارك الله .. مركز شباب المياصة.

-
تمتد النصيحة الى اسماء الصفات مثل كريمة وعزيزة ومديحة وشريفة وعفيفة ولطيفة ونبيلة وحبيبة فقد لاتمت بصلة الى اسمها وتكون صدمة

-
ابتعد عن كل الاسماء التي تذكرك بقرب اجلك " رغم انه حتما قريب "

مثل روح وارواح وملاك وجنة وجنات وحوراء وحورية وحور وعين ورحمة ونور

-
وتجنب ايضا اسماء الشخصيات الدينية العظيمة..انت فين وهم فين يابني.. مثل حواء وآمنة وحليمة وخديجة وعائشة وزينب وفاطمة ونفيسة ومريم وبتول اضف اليهن ايضا زمزم وبسملة وسجدة وسندس وتسنيم واية وايات ورؤية وصفا ورسل ومروة

-
وتضامنا مع ثورة يوليو, يجب ان تعترض على كل الاسماء ذات الاصل الارستقراطي مثل باكينام وميريهام وميريهان ونورهان وشيريهان وناريمان وكاريمان وريهام(صحتها رهام) وايهام وميرال وماهينار وجلنار وجيلان وجيهان وخاتون وكاميليا وايتاب وماهيتاب ونيرفانا وروفاندا وشيروز وشيراز وشاهيناز وصافيناز وشاكيناز وشاهندة وشاه وفاطيما وشافكي ونازلي ونازك وشيرويت وبسنت وقسمت.

-
ولأنك قد يكون لديك بعض المشاكل مع نطق حرف النون- اثناء نزلات البرد يعنى- يجب ان تحتاط لهذا وترفض اي بنت ينتهي اسمها بحرف النون مثل شيرين ونسرين ونرمين وسيرين وجيرمين ونادين وصابرين ودارين ونردين وانورين وايروين ونورين ونوران وحنان وحنين وحنون وميسون ونجوان ووجدان واسمهان ورزان وروان ورواناوميان ومعهم في نفس الكوم نهلة ولينا وديما ودينا ودنيا وميرنا.

-
وبحس وطني صادق اعترض على كل الاسماء ذات الوقع الغربي مثل سوزي وبوسي ولوسي وصوفي وهيدي وهايدي ونانسي وانجي وسالي وبانسيه وماهي وميرا ومايا وليزا وساندي ونيللي وجوليا وليندا وايرما وكارما وايمي وساندرا وبيري وكليو وجاسمين وايتن وسيلين وسربيل ورولا ولورا واليانورا وروز وروزا وروزانا وماريا ونانيس ولميس وهاميس وراداميس وانوبيس وسونيا ومونياورونيا وجينا وجوانا وجومانا وديانا ومادلين وسابينا وناتالي

-
بعض الاسماء تنتهي بالالف اللينة فارفضها من باب الغلاسة (ال الف لينه ال )

مثل سلمى ونجوى وسلوى ودجوى وفدوى ورضوى واروى ونشوى ولبنى ويمنى وذكرى وبشرى ومروى ولتضم اليهم ايضا صفوة ويسرا

-الاسماء التي هي اسماء ذكور تم تأنيثها باضافة حرف الهاء لنهايتها لن تخدعك.. قد تفاجأ بقرار ازالة لذلك الحرف وتجد نفسك في مأزق مثل يسرية وشوقية وحمدية وفتحية وحسنية وشفيقة وحميدة وانيسة وفهيمة وسميرة ومنيرة

-
اسماء المواد التموينية والغذائية مرفوضة .. فأنت لست بقالا رغم كل شيء.. فارفض سكرة وحلاوة وبسكوتة وعسلية وقشطة وموزة ولوزة ونوجا وماجي وصافي وطعمة وعافية وبركة وهانم وبسيمة وكوكي وريري وروابي وروجينا وريكسونا وايفا وماندولين وميريت وكل من تتبع وزارة التموين

ولاتنسى ايضا الشهيرتين سعاد وسوسن

-
احذر ايضا من الاسماء المزدوجة التي تصلح للرجل والمرأة مثل رضا وعطية ووئام ووسام وجهاد وجمال وتيسير وعفت وعصمت وحشمت وحكمت واضف اليهم ايضا كل اسم على نفس الوزن مثل الفت وهمت ومرفت ودولت

-
أما اسماء البلاد كأن تتزوج من واحدة اسمها فرنسا او مصر او شام او ايطاليا او كندا او اسيا فهي لا تحتاج الى تعليق

حين تتفادى ست الحبايب القائمة المذكورة لن يكون امامها الا ان تبحث لك عن فتاة

اسمها حنفى !!


فلتحتفل بذلك النصر الذي احرزته على دعاة الزواج ولتنعم بفترة من السعادة والهدوء ولكن لاتسرف في الاحتفال فسرعان ماتجد ست الحبايب بالتعاون مع بعض الخاطبات قد وجدوا لك بالفعل فتاة خارج التوقعات بل وخارج قائمة الاسماء المعترض عليها ..

هذا طبيعي فلا تخلو خطة من ثغرات


*كيف ترفض عروسة

خطة ب :


ولكن يجب ان تستمر على سياسة (العقدة في المنشار)

ولتضع العقدة هذه المرة في مستوى تعليم الفتاة


فإن كانت غير متعلمة فهي لاتصلح لان عقليتها لن تتناسب مع مستواك العلمي

(قال يعني الواد اينشتاين)

اما ان كانت متعلمة فهي ايضا لا تصلح


فالطبيبة ستعتبرك حالة وتجرب عليك ممارساتها الطبية الفاشلة

ومن يدري فقد تنسى المقص في الشوربة وتروح انت ف ابو نكلة

والمهندسة ستخطط حياتك وتخطط مسارك وانت لا تقبل ان تكون مخطط

والمحامية ان اغضبتها سترهقك بالقضايا وتكون اخرتك اللومان

والمحاسبة ستستدين لتجرب النظريات الاقتصادية وتخرب بيتك

والمدرسة ستصدع رأسك وكأنك في حصة طوال العمر

والمرشدة السياحية ستمرمطك وراها في الشوارع بين اكوام الحجارة العتيقة التي تراها هي من التحف بينما تراها انت كأنقاض مصنع بسطرمة

كل المهن مرفوضة

تلك هى القاعده يا عزيزى



*كيف ترفض عروسة

خطة جـ :

الميول .. ان كانت اهلاوية فمن المتوقع ان تهتم بالكرة ومباريات الاهلي على حساب بيتها, وما اكثر البطولات التي يلعب بها الاهلي ويفوز




اذا كانت مالهاش في الكرة فهي لن تشاركك اهتماماتك ولن تفهم تحمسك امام كرة القدم مما ينذر بخلافات دائمة

*كيف ترفض عروسة

خطة د :


المهارات
هناك العديد من المهارات التي يجب ان تتوافر في شريكة حياتك,ومن حقك التام ان تعترض على اتمام الزواج اذا ثبت غياب اي من تلك المهارات

اولها واهمها بالطبع مهارة الطهي
ولا تصور انها موجودة في كل الفتيات فقد اختلفت الاجيال..
و إياك ان تتخلى عن تلك المهارة فأنت لن تصبر على الطعام السيء اكثر من شهر
واحذري يافتاتي فكما قالوا قديما اقصر طريق الى قلب زوجك معدته, فلا تتعجبي حين يتركك زوجك ليتزوج عاملة الدليفري



الزوجة ايضا يجب ان تتقن العديد من المهارات الاساسية للحياة الزوجية مثل الغسيل والكي والخياطة والتطريز والسباكة والنجارة والكهرباء والميكانيكا والفلك والكيمياء الحيوية والاشعاع ولا بأس ابدا بالباليه الايقاعي والا ايقاعى ايضا

ولو غابت احدى تلك الصفات من حقك تماما ان ترفض اتمام الزواج

وطبعا من يتصور ان يتزوج شاب من فتاة لاتلعب البلاى ستيشن ؟ !!!

تـــــــــهـــــــريــــــــج


حتى هنا تكون قد فعلت كل مابوسعك لتتفادى مقابلة الفتاة واهلها

ولكن قد تجد نفسك مضطرا للذهاب لهذا اللقاء الاسطوري بناء على ضغط الست الوالدة, وبما انك ذاهب الى قضاءك , فهناك ايضا بعض النصائح الهامة التي ستمكنك من انهاء المأساة عند حد الخطوبة وليس الزواج لا قدر الله


خليها تيجي منهم :

وتسمى تلك الخطوة الانتصار بيد الأعداء او المصطلح الحربي الشهير نيران صديقة,
ولكي تنجح في تلك الخطوة يجب عليك ان تلتزم بالآتي:

أولا الصراحة المطلقة فيما يخص كل عيوبك: دع الرفض يأتي منهم حتى لا تغضب والدتك, فأنت صايع وضايع ومش لاقي شغل وفلسنجي وعزبنجي ونسوانجي, وخمورجي وبتاع كوباية, ونزيل في الكباريهات والغرز, وبتاع نقوط وشم وبرشام وحقن وطوابع, ولا تنس أن تذكر انك سوابق فيكون لها وقع لطيف عليهم.

ثانيا الكثيرون يحبون أن لا تزيد فترة الخطوبة عن ستة أشهر, ونحن كذلك فلا يجب ان تزيد المدة بين الخطوبة وفسخ الخطوبة عن ستة اشهر



يعنى يجى انكل يكلمك

-
يا ابنى احنا مبنحبش الخطوبه الطويله

-
ولا انا يا عمو

-
يعنى الخطوبه الطويله بلاش منها

-
بلاش منها خالص يا عمى

-
يعنى ست شهور بالكتير قوى حلو ( بيرمى على السريع )

-
ده بالكتير قوى يا عمى ( بترمى على فركشه )


ثالثا: الذهب اصبح موضة قديمة,

فلتكن مجددا ولتعلن عن رغبتك في الاتجاه الى معادن جديدة ومختلفة.. فلا بأس أن تكون الشبكة من المنجنيز او ثاني أكسيد الكربون مثلا.



يعنى يجى انكل يكلمك تانى

-
يا ابنى طيب والشبكه

-
مالها يا عمى

-
ناوى تجيب ايه

-
بص يا عمى .. الذهب موضه قديمه

-
الله عليك يا ابنى( بيرمى على سوليتير طبعا )

-
يبقى احنا نجيب حاجه جديده( بترمى على فلزات )

-
طيب تحب تجيب ايه

-
ايه رايك ف الفلزات .. ليها بريق معدنى يا عمى



-
عمك مسبهلا .. طيب نأجل دى .. لحد م اسال خبير كيميائى



لو جه كلام على محبس ( المحبس ده حديده .. دبله بتحاول تبقى خاتم

وخاتم بيستعبط وعامل دبله .. اممممم هو ف الاخر اغلى م الاتنين

لو جه الكلام عليه .. استهبل قائلا

محبس .. ليه ؟؟

هى العروسه بتنقط ؟؟

اممممممم كده اجيب جلده معاه بقى



رابعا: لتكن اسرائيلي في عهودك, فكل ماتتفق عليه يجب ان تنساه عامدا متعمدا,

وتعمل فيها كوهين العبيط (عبده العبيط بتاعهم)

خامسا:لن اذكرك بمظهرك, ف بدلة المرحوم خالك التي مات فيها محترقا ستكون مناسبة جدا .. ونقراله الفاتحه بقى يا جدعان

كل هذه الخطط المضنيه
ايمانا منا .. بان الجواز .. شر لا لزمه منه
وانه لا يُسعد الرجل
لان يا فالح
لو كان الجواز بيسعد .. مكنش العريس لبس اسود

ملحوظه
الموضوع ليس تقليلا من قدر ( السمرا او البيضا .. او من تم ذكر اسمهم

ولكن صدقا الموضوع لمصلحه الواد الغلبان )

وانتوهــــــــــــ نخدمك باحتراف ـــــــــــــات

*******WwW.oNe2HaT.own0.com*******

وانتوهات .... كبـــارا ً بدأنــــــــا ......... وكبارا ً نستمـــــر


ياااااااارب
لما فكرت بكتمان احزانى ...
ارعبنى قولك (وابيضت عيناه من الحزن فهو كظيم)..
وكلما فكرت بالبوح بصوت مرتفع
تذكرت قولك (وبشر الصابرين)..

يااااااااارب ارحمنى

((( اسف انى حبيتك بجد)))
الرجوع الى أعلى الصفحة اذهب الى الأسفل
 
ازاى تخلع من اكبر ورطه ف حياتك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات وانتوهـــــــات كل الجديــد وكل اللى فــات :: المنتدى العـــــــــــــــــــام :: مواضيـــــــع الأعضاء-
انتقل الى: