نيوتن
مشــرف
رقم العضـــويــــــه : 13
تاريخ التسجيل : 27/10/2009
عدد المشاركــات : 207
مزاجك ايه ؟ : تعباااان اوى اوى
 sms message :
النــقــــــاط : 16704
 | | موضوع: آه يا شاااااعر 12/6/2010, 22:35 | |
|
آه يا شاعر
يا اللي شاعر بالمراره ماليه جوفك
هو خوفك م السكوت سكت كلامك!
ولا من حزن الكلام دبلت حروفك؟
آه يا شاعر بالحاجات و مالكشي حاجه
آه يا وزن الريشه آه يا ابو نيل خواجه
لون سنينك ليه مضلم تشبيهاتك؟
انت عايش و لا عايش ذكرياتك؟
انت ميت و لا بتعاند مماتك؟
طاب وفاتك إمتي عايز احضر وفاتك
شعر دا ولا اللي فاضل من رفاتك؟
روح بتطلع ديا ولا دندناتك ؟
آه يا شاعر بالمواجع طول حياتك
لم نفسك دا الكلام بعتر سكوتك
ع الهوامش و الورق مستني موتك
الزمان دا مش زمان( عنتر) و( عبله)
فوق يا ( قيس ) مخدوع دي( ليلي )العصر هبله
نفسي توصل للي محلمتش تطوله
آه يا شاعر و (الجناس ) مانع وصوله
آه يا شاعر باللي مش فاهمين شعورك
موت و انا اضمن لك (فؤاد حداد ) يزورك
موت دا ( شوقي ) بنفسه جاب تصريح مرورك
آه يا شاعر بالبروده في قلب يوليو
(كربرنكس) مات فقوم صحي (جاليليو )
قول له ان الشمس مش محور لحاجه
غير لدمعة حرف متكعبل في ضله
آه يا شاعر بالقيود في (غوانتاناموا)
القصيده المدهشه أبياتها ناموا
و(القوافي) استسلمت سلم يا شاعر
والخناجر سكتت همس المشاعر
صوديومك ) في الميه ولع في اللي فاضل)
من (أكاسيد) الأمل ومعادشي فاضل
غير معادله مبهدله الأوزان وجايع
آه يا ضايع
لسه تحلم ترتوي بشمس القضيه
فوق يا ( رشدي ) دي السيوف دبحت بهيه
دمعتين ( الأكسجين ) في عنيك ناقصهم
(هيدروجين ) الدنيا علشان يبقوا ميه
آه يا شاعر( باختفاء) الإبتسامه
(متهم ) بالعشق و آدي الشوق علامه
تفتكر هيبرأك ( طوق الحمامه )؟
دا( ابن حزم) بنفسه بكرا أكيد هيعلن
إن حلمك جلسته يوم القيامه
الحروف كرهت ظروف أم اللي جابها
و الورق لو قال هيشتم في اللي جابك
والسطور سطرين و تطلع من هدومها
و القلم بيبوس ايديك تنهي القصيده
فـــ اقفل الموضوع وقول ياللا السلامه
| |
|
dark_man
مشـجــــــع
تاريخ التسجيل : 08/05/2010
عدد المشاركــات : 65
sms message :
النــقــــــاط : 15595
| | موضوع: رد: آه يا شاااااعر 13/6/2010, 05:41 | |
| | |
|
نيوتن
مشــرف
رقم العضـــويــــــه : 13
تاريخ التسجيل : 27/10/2009
عدد المشاركــات : 207
مزاجك ايه ؟ : تعباااان اوى اوى
sms message :
النــقــــــاط : 16704
| | موضوع: رد: آه يا شاااااعر 14/6/2010, 03:45 | |
| ميرسى ياباشا ع المرور وميرسى اكتر ع الرد
اهو كده الاعضاء ولا بلاش مش بس بتقرأ وخلاص دى كمان بتشجع اللى كتب او جاب الموضوع
ياريت كل اعضاء المنتدى زيك
انا مش كاتبها بس جبتها وغيرت كلام كتير فيها ومسحت حاجات كده يعنى
لازم تطلع من تحت ايد نيوتن بإضافاته ولمساته برضوا | |
|
ABORASHED
مشــرف
رقم العضـــويــــــه : 10
تاريخ التسجيل : 23/10/2009
عدد المشاركــات : 168
مزاجك ايه ؟ : عال
sms message :
النــقــــــاط : 16522
| | موضوع: رد: آه يا شاااااعر 21/6/2010, 17:15 | |
| آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه يشاعر
يسلم قلمك
| |
|
