انا النهارده بكتب الموضوع ده وانا مش حاسس حتى بايدى وهى بتمشى ع الكيبورد
اصعب احساس ف الدنيا .. احساس الظلم
لما تحس انك اتظلمت اوى وانك معملتش حاجه تستاهل عليها اللى حصلك
لما تحس بالكدب بيملى عقول كان المفروض انها بتفكر بعقلها وبتعرف دينها
ولما تشوف ان التحدث عن اعراض الناس وبالخطأ بقى عادى جدا جدا
ازاى بيقدر الظالم ينام بالليل وهو عارف انه ممكن يموت ف اى لحظه وعارف انه ظلم انسان تانى معملوش حاجه وملوش اى ذنب ف اى حاجه بس مجرد ظلم
بيفكر ف ايه؟؟ حاسس بايه؟؟
احنا مشكلتنا اننا ممشيناش ع الدين صح وحل كل المشاكل ف الدنيا ربنا قالهالنا ف القران وبالتفصيل كمان وده من رحمته بينا وعشان ميبقاش عندنا اى حجه بالجهل
وربنا قال (يا أيها الذين امنوا إن جاءكم فاسق بنبإ فتبينوا ان تصيبوا قوما بجهاله فتصبحوا على مافعلتم نادمين)
يعنى مش اى كلمه تصدقها
انت عارف انك لما بتصدقها بتظلم انسان برئ من كل الكلام ده
وعارف عقاب الظلم ايه؟؟
الظلم ظلماااااااات يوم القيامه
وبرضوا ( إن ربك لبالمرصاد) انتو عارفين ايه هو المرصاد؟؟
قنطره على الصراط لا يجوزها عبد بمظلمه
قال الإمام الصادق : من ارتكب أحدا بظلم بعث الله عزوجل من يظلمه بمثله ، أو على ولده ، أو على عقبه من بعده .
يعنى ربنا هياخد لكل واحد حقه واوعى تخاف يا مظلوم حقك جاى جاى لو مش دلوقتى يبقى بعدين
حاجه تانيه كنت عاوز اقولها ((وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلا تَقْبَلُوا لَهُمْ شَهَادَةً أَبَدًا وَأُوْلَئِكَ هُمُ الْفَاسِقُونَ * إِلَّا الَّذِينَ تَابُوا ))
يعنى قبل ماتصدقوا اى حاجه وبدل متظلمو حد وترجعوا تندموا لازم ياما تكونو شوفتوا بعينيكو ياما الانسان دا يعترف بنفسه ياما يكون فى اربع شهداء
لان ممكن يكون حد مضايق من حد فيقول عليه كلام بالكذب ولما انت تصدقه يبقى شاركت معاه ف الذنب ده
ربنا ميزنا بالعقل وادانا الدين
عاوزين ايه تانى عشان نكون فاهمين؟؟
ياريت ياجماعه محدش يخوض ف اعراض حد وكفايه كلام ع الناس من وراها وتجريح
وع فكره انا مش زعلان من اللى غلط ف حقى بالعكس دا زود حسناتى وعرفنى مين بيحبنى بجد ومين ...؟؟
وكفايه انى شغلت تفكيره وطلع عليا كلام
وكان فى دعاء بدعيه زمان وهرجع ادعيه دلوقتى تانى
اللهم إني تصدقت بعِرضي على الناس وعفوت عمن ظلمني فمن شتمني أو ظلمني فهو في حِل ' ' اللهم إني سامحت كل من أغتابني أو ذكرني بسوء في غيبتي وأسألك في ذلك الأجر والمغفرة وبلوغ مراتب المحسنين '
الحمد لله الحمد لله ع كل شئ (وعسي ان تكرهوا شيئا وهو خير لكم)
معلشى ياجماعه يمكن دوشتكو بكلامى
بس احنا صحاب مش كده استحملونى بقى
المهم دلوقتى انا عندى طلبين من كل واحد يدخل ويقرا الموضوع ده
ولازم ينفذه
اولا هسأل سؤال: هو ليه لما بتاخد الموضوع تسليه ويتفركش مبتنجرحش ولا بتتعذب
وليه لما بيبقى بجد وبكل احساسك وباختيار المفروض انك كنت شايفه صح
لما يتفركش تنوجع وتنجرح تانى
ياترى عشان انت اخترت صح؟؟
يبقى كده لازم الواحد يختار غلط ويتسلى ويلعب ويعيش حياته عشان ميتألمش؟؟
بجد انا مش لاقى اجابه للسؤال ده
ثانيا انا عاوز كل اللى يدخل الموضوع ده يسيبلى نصيحه
انا كتبت كل اللى حاسس بيه
وكل اللى تاعبنى
ياترى هلاقى معاكو نصايح تفيدنى ع الاقل ف اللى جاى من حياتى؟؟
*******WwW.oNe2HaT.own0.com*******
وانتوهات .... كبـــارا ً بدأنــــــــا ......... وكبارا ً نستمـــــر
ياااااااارب
لما فكرت بكتمان احزانى ...
ارعبنى قولك (وابيضت عيناه من الحزن فهو كظيم)..
وكلما فكرت بالبوح بصوت مرتفع
تذكرت قولك (وبشر الصابرين)..
يااااااااارب ارحمنى
((( اسف انى حبيتك بجد)))
sms message
