اعرف صاحبك ...... و علم عليه !!!!!!!!!!

اشهدوا انتوا يا جماعة

لما يكون صاحبي .. و صديق عمري ...

بقالي معاه سنين طويلة

وقفت معاه في حاجات كتير

و هو برضه بصراحة وقف جنبي كتير ..

و قضينا مع بعض أيام جميلة

و ذكريات عمرها ما تتنسي ....

و لما ييجي الموقف اللي هاحكيلكم عليه كمان شوية ده

أصعب موقف ممكن يعدي عليا على الإطلاق

لما ابقى في الموقف ده

و محتاج أي حد يساعدني ...

صاحبي يتخلي عني في وقت زي ده ؟؟؟؟؟

و كمان .. يبقى ضدي .. ؟؟؟؟

يرضيكم ؟؟؟؟

ده يستحق يبقى صاحب ؟؟؟؟

أنا هاحكيلكم على الموقف اللي حصل معايا عشان تعرفوا قد إيه هو سابني في وقت صعب

تخيل إنك واقف في عز الحر ...

حر جامد جداااااااااااااا

عطشان جدااااااااااا

هتموت من الجوع ...

التعب هيقتلك ....

تخيل إنك واقف كده ...

لمدة عشر ساعات .....

يااااااااااااااااااااه .. عشر ساعات ؟؟؟؟

ده الواحد يموت من أول ساعة

طيب تخيل لو عشرين ساعة !!؟؟؟؟؟

إيه يا عم الكلام ده ؟؟؟؟

انت عاوز تقول إيه ؟؟؟

أنا باقول كده عشان تتخيلوا الموقف اللي حصل معايا .. قد إيه كان صعب

الموقف ...

إني كنت واقف

في عز الحر .. و الجوع .. و العطش .. و التعب

لمدة ..

50 ألف سنة

أيوة ...

يوم القيامة

كل الناس واقفين ..

الشمس فوق الرؤس

العرق مغرقهم

حلوقهم هتتقطع من العطش

هيموتوا من الجوع و التعب

50 ألف سنة

مرعوبين إن ربنا يدخلهم النار بعد كل ده

نفسهم ياخدوا حسنات من أي مكان .. عشان تدخلهم الجنة

نفسهم حد يشفعلهم عند ربنا عشان يعدي اليوم ده

و ينجيهم من النار

ربنا بيقول عن صعوبة الموقف ده

{فَكَيْفَ تَتَّقُونَ إِن كَفَرْتُمْ يَوْماً يَجْعَلُ الْوِلْدَانَ شِيباً }المزمل17

يعني الولد الصغير اللي مات و هو لسه صغير.. و مش هيتحاسب أصلا ..

شعره هيشيب من رعب اليوم ده

و في عز الموقف ده ...

صاحبي اللي كنت معاه في الدنيا على طول

و كان بيقف جنبي في المواقف الصعبة

لو كان بعيد عن ربنا ....

هيتخلى عني ...

مش بس كده ...

ده هيبقى عدوي ....

قال الله تعالى

{الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ }الزخرف67

طيب بالله عليكم ....

ده يستحق إني أصاحبه .. ؟؟؟

يسلمووووو موضوع رائع جدا

» اعرف مشاعر الي بيحبك
» اعرف ان كنت بتحب بجد ولا مجرد اعجاب‏
» مشاركه الرسول صلى الله عليه وسلم فى بناء الكعبه
» ((قصه شاب محدش بيرن عليه))
» الكلب الذي غضب وانتقم لأجل سب الرسول عليه الصلاة و السلام.