"هـــاى / ممكن نتعرف /buzz ‎!!!‎‏"‏

عدل سابقا من قبل Admin في 28/10/2009, 02:41 عدل 1 مرات

تعالوا ندخل فى الموضوع على طول ونشوف الفرق بين البنت والولد على الشات ، هقدملكو حالتين مختلفتين ........
بس فى ملحوظه صغننه احب اوضحها قبل قراءة التوبيك ان جميع العبارات اللتى بين الأقواس فى السطور التاليه هى عباره عن تعليق الكاتب علي ردود الولد او البنت ليس اكثر ............

يلا بينــــــــــــــــــــا

]*الحـــــاله الأولى*// الولد لسه بيتعرف على البنت ودى تفاصيل الحوار :
]ـــــــــــــــــــــــــــــــــــــــــــــــ

الولد : هـــــــــــــــاى
الولد : ممكن نتعـــرف
الولد‏ ‏: !!! buzz‏

البنت : no

الولد : طب ليه كدا بس ياقمـــــر
‏الولد : buzz !!!‎

(وبعد 4 دقايق كدا تقريبا ردت وقالت .........)
البنت : مابكلمش حد معرفوش

الولد : طب منا بقلك نتعرف من الصبح

البنت : ايه الخفـــــه دى ؟
الولد : ميرسى دا بس من زوقك

البنت : ثم انت جبت اميلى منين ؟!

(اكيد من حقهم يسألوا كدا بس بدون الحاح بقا ضيف علي كدا انه سؤال غريب جدا كأنك بتكلمها عالموبيل ولا تبع حركة طالبـــــان)
المهم........
(الولد عمال يفكر يقولها جابه منين !!!)

البنت : buzz !!!‎

الولد : مش فاكر بصراحه

البنت : طب سلااااااااااااااااااااااااااام

الولد : طب استنى بس

البنت : قول جبته منين الأول

الولد : بصى انا كنت داخل ........... وفجأه ........... وبعدها رحت ضايفك على طول ___ بس كدا

البنت : ياراجـــــل !!! /احنا هنهزر ؟!
البنت : هتقول بجد ولا امشى

(وبعد الحـــــاح طويل وقع اخينا زى الجردل وقلها//
بصراحه انا اخدته من واحد صحبى)

الولد : ها كدا تمام ؟! نتعرف بقا

البنت : مش قبل مأعرف مين صاحبك دا ؟

(ياساتـــــر......اوف حاجه تخنق)

الولد : اسمه حازم ارتحتى بقا!
‏الولد : buzz !!!‎
الولد‏ : buzz !!!‎
‏الولد : buzz !!!‎

(لكن خلاص بقا مع نفسك لأنها عملتله ignore ‎‏ هو وصاحبه حازم دا)

(صراحه حازم صعب عليا جدا ملوش ذنب واتاخد ف الرجلين ياحرام!!!)
ــــــــــــــــــــــــــــــــــــــــــــــــــ ـــــــ

*الحـــــاله التانيه* // بنت دخلت على ولد ودى كانت تفاصيل الحوار :
ــــــــــــــــــــــــــــــــــــــــــــــــــ ـــــ

البنت : هاى

الولد : هايــــــــــــــــــــات
‏الولد : buzz !!!‎
‏الولد : انا احمد 22 سنه اسماعيلية الدور الأرضـــــى ، وحضرتك ؟؟
‏الولد: buzz !!!‎
(لاحظ انها لسه ماطلبتش انهم يتعرفوا اصلا بس اخينا ماصدق لقا بنت !!!)

البنت : تشرفنا وانا رانيا

الولد : ياه تخيلى ان دا اكتر اسم بحبه بجد
(دايما الولاد البكاشين يقولوا كدا !!)
الولد‏ : طب منين ياسكر اصدى يارانيا ؟
‏الولد : هـــــا

البنت : من اليكس

(مش عارف دايما اي بنت تقولك انا من اليكس وكأن اسكندرية دى كل سكانها بنات وبس)

الولد : ياه وكمان من اليكس __ ياسيدى المرسى ابو العباس !!
‏الولد : طب دراستك ايه ياترى ؟!
‏الولد : ها
‏الولد : buzz !!!‎
‏الولد : رانيا روحتى فين !!

البنت : انا كلية اداب

(برضو معظم البنات تلاقيهم في اداب / قال يعنى اداب دى للبنات وبس)

الولد : ياه كمان اداب _ عارفه انا كان نفسى ادخل اداب بس داداي مرضيش

(قال الواد دايما بيقول دادى/ طب راحت فين ابويا !!! وقال كان نفسه يدخل آداب/شوف البكش على اصوله)

الولد : طب من فضلك ممكن اعرف جبتى اميلى منين ؟!

البنت : نعم ! مش فاهمه

الولد : لا لا متخديش ف بالك

(اما انت غبى صحيح/حد يرفص النعمه برجليـــــه !!!)

المهم فضلو يتكلمو وهاتك يارغى ....................

خلاويص كدا فنيتــــــــــــــــــــو

*رؤية الكـــــاتب :
ـــــــــــــــــــــــــ

انا كتبت الموضوع دا فى اطار قد يكون كوميدى نوعا ما وذلك بهدف طرح فكره الفرق بين ان بدايه الولد مختلفه تماما عن بداية البنت فى التعارف زى ماشفنا كدا.

*ملحوظـــــه :
ـــــــــــــــــــ

1/انا قدمت نموذج او عينه من الشباب ومش معناه ان كل الشباب كدا

2/احمد وحازم ورانيا عباره عن اسماء غير حقيقيه لكنها من خيال الكاتب وليس مقصود بها شخص بعينه

3/الموضوع غير منقـــــول على الإطلاق

]*استفسار الكاتـــــب :
ــــــــــــــــــــــــــــــــــ
لية دايما البنات بيعملوا كدا لو حد طلب يتعرف عليهم__ دا حتى مابيدوش فرصه للشخص دا عشان يشوفوا هو يستحق التعارف ولا لأ ؟!
حقيقى هيا بتيجى صدف واحيانا وسطـــــه !!
ولية دايما معظم الولاد (مش كلهم طبعا) بيحصلهم حاله من النشوى والفرح وكمية غير عادية من الأهتمام ف حاله اذا بدأت البنت بالتعارف ؟!

كان نفسى اكتب الحاله التالته ف التعارف بين ولد وولد تانى بس خفت البنات يشمتوا فينا لأنها بتبقا مهزله!! والعكس ف الحاله الرابعه بين بنت وبنت
لأنة بصراحه الشات يعنى (احمد ورانيـــــا) ولو حصلت الحاله التالته والرابعه يبقا فى حالات الصداقه فقط او الحب الوهمـــــى (حب الشات طبعا)

MESSAGE DELIVERED.......

buzz !!!!!!!!!!!!!!!!
[/size][/size]

موضوعك مهم جدا والمحدثات دى بتحصل فعلا وكتير اوى والطرق كلها معروفه ازاى ولد يتعرف على بنت ويبدأ هو او العكس بس تقريبا كل اللى بيعملو كده بيكون عشان التسليه وبس مبيهمهمش حكايه جبت الايميل منين ولا حاجه بس هما كلمتين كده بيتقالو عشان تبينلك البت انها محترمه ومبتكلمش حد ومبتدخلش شات وعادتا بيتم التعارف بسهوله جدا الا اذا مكنتش فاضيه بقى تروح عامله اجنور وخلاص وطبعا مش كل البنات كده ولا كل الولاد

برافوووووووووووووو

Delivered

» سعدان : "المكتوب" ساقنا للقاء المصريين مجدداً ومن يعتمد على إمتيار "الملعب المحايد" فهو واهم
» "الإنترنت" سيحرم الجماهير الجزائرية من مشاهدة "الخضر" في مونديال جنوب إفريقيا
» متجدد كل جمعه : جميع مقالات الكاتب "انيس منصور" من خلال عمود "مواقف" بجريدة الاهرام
» "محدش يمشى بعد البوفيــه" كليب حصرى من فيلم "البيه رومانسى"جوده عاليه جدا وبحجم 16 ميجا ورابط تحميل قوى وسريع ,,,,
» "حلمت حلماً".. يتصدر قائمة مشاهدات "يوتيوب"