اثار مصر الجميله

زائر

بسم الله الرحمن الرحيم

انا اترددت كتييييييير اوووووى علشان اكتب الموضوع دة . لكن الحمد لله جت الى الشجاعة علشان اكتبة ويارب يعجبكوا بقة.

احم احم

هقول اهون

استنوا

فى مصر اثار كتييييييييير اوووووى واى بلد فيها اثار . لكن كتييييير مننا مش راح كل الاثار اللى موجودة فى بلدة.وممكن نكون عارفين الاثر كاسم لكن مش نعرف اى حاجة عنة.
علشان كدة بقة قولت كل واحد راح مكان او يعرف عنة حاجة يقولنا عليها,

وانا عن نفسى هحاول اقؤلكم عن كل الاثار اللى عندنا
حتى لو كانت فى بيتنا وبنعتبرها اثر
لان مينفعش اخبى عليكوا حاجة
اة ما انتوا اعضاء فونيكات
يعنى احلى اعضاااااااااااااء
وسمعنى احلى سلااااااااااااام

[size=21]وانا هبدا باول رحلة

سقارة
اثار مصر الجميله 28jic1z

هية الجبانة (المقابر)الرئيسية للعاصمة المصرية القديمة ممفيس.
تبعد 17 كيلوامتر من الجيزة واستخدمت كمقابر حتى العصر القبطى. اسمها مشتق من الالة سوكؤ الة الموتى لمامفيس

وبدئت الاكتشافات فيها منذ1821.
ويوجد بها اول هرم بنى فى التاريخ المصرى القديم
وهوة هرم زوسر

الملك زوسر :مؤسس الاسرة الثالثة.واسمة باللغة الهيروغلوفية( نترخت)ويعنى الجسد المقدس.
والذى بنى هذة المجموعة هو امنحوتب:وهو الذى اختار هذا المكان حتى تطل على العاصمة وصمم المبانى كقصر الملك حتى يكمل بها الحياة الاخر.

ناس فاضية

اول بقة ما هنروح هنلاقى صور محيط بالمبانى فية 14 باب 13 منهم منظر وواحد بس اللى هيدخلنا
اثار مصر الجميله Fdzn9x

وبعدين هنلاقى ممر طوييييييييل
اثار مصر الجميله 23rrgr7

مكون من 40 عمود 20 فى كل جانب بين كل عمود والتانى كان يوجد تماثيل للملك وللاله والفتاحات اللى فوق دية علشان تدخل الهواء والضوء على التماثيل.

الممر دة بيودينا على غرفة صغيرة فيها 8 عواميد صغيرة
وفى فالجوانب صفين مقابر للموظفين وعائلة الملك
وفية مقبرة جنوبية: فية زى فتحة مربعة اسفلها فى غرفتين فوق بعض
الاولى صغيرة وسطحها عامل زى المثلث ومبنية من الجرانيت يعتقد انها كانت
لحفظ احشاء الملك وفوقها الغرفة التانية مسطحة وكانوا بيضعوا فيها زلط
كتييييييير علشان محدش يعرف يوصل للغرفة التانية.
ونفس الكلام دة موجود تحت الهرم
وفية جانب الغرف دية مزينة بالاشانى الازرق
ويوجد نقوش للملك يؤدى طقوسة الدينية
اثار مصر الجميله 24vi13m

ويوجد مكان اسمة الحب سد
الحب سد دة احتفال فى مصر القديمة بيقوم بة الملك كل 30 عام من حكمة, وذلك حتى يجدد حكمة ويعطية القوة.
وبناه علشان الملك يقدر يجدد حكمة فى الحياة الاخرى.
اثار مصر الجميله 2qn017q

ولو بصينا شرق الهرم هتلاقى بيتيين
احنا مش عارفين وظيفتهم اية
بس يعتقد انهم بيرمزوا الى عرش الشمال وعرش الجنوب
او
انهم مقابر لبنتين الملك زوسر
ودة شكلة من برة
اثار مصر الجميله 111uhdx

ويوجد خلف الحب سد معبد على شكل حرف الt
وهوة مبنى مائل يتكون من مدخل كبييييييير وبعدية 3 غرف
وظيفتة علشان يرتاح الملك بين حلقات الحب سد وغير ملابسة والتاج ايضا
اثار مصر الجميله Aph55d

اية دة يا نهااااااااار
انا كل دة ومش فرجتكوا على الهرم
طيب كان حد يفكرنى
خلاص استنوا
اثار مصر الجميله 2vwtmk5

مر الهرم بمراحل عديدة حتى وصل الينا بهذا الشكل
وهوة يتكون من 6 درجات
وارتفاعة 63متروقاعدتة الاساسية 140 متر من الشرق للغرب و118متر من الشمال الى الجنوب
وتحتة فية بردوا الغرفتين اللى فى المقبرة الجنوبية لكن وظيفة الحجرة الصغيرة لدفن الملك
وبعدين المعبد الجنائزى
وظيفتة اثار مصر الجميله Blush

باشرو فية طقوس الجنازة
واغلبة مهدم الان

السرداب
حجرة صغيرة مائلة قليلا
كانت تحتوى على تمثال للملك زوسر
والغرفة لم يكن لها اى باب وبها ثقبين فقط
ويعتقد ان وظيفة الثقبين
حتى يسطتيع الملك متابعة ما يحدث فى الخارج من طقوس
او
ان يشم رائحة البخور
او
حتى يرى النجمة الشمالية فى السماء
اثار مصر الجميله J5bbxy

التمثال الان يعرض فى المتحف المصرى
اثار مصر الجميله 1zce6he

يوجد بالمكان اهرمات اخرى ايضا لملوك الاسرة الخامسة والسادسة
احلاهم واجملهم من الداخل هرم الملك تيتي
وهوة مزين ويوجد بة 100 عمود مليئة بنقوش هيروغلوفية.
اثار مصر الجميله Uyjpk

خلااااااااااااااااص كدة
دة يعتبر اكبر واشق مكان
استفرجوا شوية بقة
او استريحوا اكيد تعبتوا
وانا استريح شوية
يارب الرحلة تكون عجبتكوا
ولسة عندى اماكن كتييييييييييييير
ولو عندكوا اماكن قولوا عليها[/size]

موضوع: رد: اثار مصر الجميله 10/2/2010, 10:29

جميـــــــل او يا ابو علي
تسلم ايدك

» الجميله اميرة نور والفنان ماجد القلعى وحلقه تقليد الفنان يونس شلبى من برنامج اليوم يومك واللى تم عرضه فى رمضـــــان