هو كان دايما بيخاف من اي حد يجى يتقدملى عشان من
رفضى ليه اكيد بابا هيسالنى ليه بترفضى وزي ما قلتلمك هو مش عايز يعملى
مشاكل فانا واحد اتقدم ورفضنا وكده يعنى فبقوله قالى مش انا قلتلك انى هبقى
عقبة في طريقك وباباكى هيحس بحاجه وممكن يزعقلك وكده واللي حسبته لقيته
ومكنتش اتصور انه اللي انا خايف منه هيحصل بدرى كده فقلتله يا احمد مجدش
حاجه انا وانت زي ما احنا قالى ماشششي بس انا متاكد انك هتغيري رايك لو
اتقدملك حد احسن منى قلتله عمرها ما هتحصل ابدا قالى متهيالك بكرة تشوفى
قلتله يعنى عايز ايه قالى ما انا قلتلك من الاول خلينا صحاب قلتله وانا
وافقتك وانت اللي رجعت تانى قالى ما انا لسه بحبك قلتله امال قالى بس خايف
اسبب لك مشاكل واعطلك مستقبلك انا لسه قدامى كتير هتستنينى مهما طولت قلتله
لو حسيت منك الحب هستناك ولو عمرى كله قالى متاكده قلتله اه وبعدين انت
بتفكر في حاجه لسه محصلتش ليه ليه بتفكر في بكرة خلينا في النهارده قالى مش
احنا عدينا مرحلة الحب قلتله اه قالى طيب يبقى المفروض نخطط لمستقبلنا سوى
من دلوقتى عشان بعد كده منندمش ع حاجه بس وبعدين قلتله بحبك قالى وانا
كمان بحبك والله خدي بالك من نفسك لا اله الا الله وقلتله محمد رسول الله
وقفلنا .
وبعدين انا واحمد من يومين خرجنا واتكلمنا وكان موضوع
اللي اتقدملى ده مضايقه ومسيطر ع تفكيره تماما وثبت حكايه المستقبل دي وانه
ممكن يكون عقبه في طريقى ويعملى مشكله مع اهلى قلتله يعنى ايه يا احمد
عاوز ايه قالى مش عارف بس احنا كده مش هينفع نكمل مع بعض كل شي اخره الفراق
حتى الدنيا اخرتها فراق وبيجى الموت يبقى اكيد الحب هيجيلوا يوم ويموت
قلتله يعنى ايه قاللي مش عارف شوفى انتى عاوزة ايه وانا اعمله قلتله معنى
كلامك ده اننا مش هنكمل مع بعض قالى انا مقلتش كده شوفى انتى عاوزة ايه
وانا هعملهولك قاللى يا بنتى انا لسه قدامى عشر سنسن بحالهم وانتى لما
يتقدملك تانى وتالت وترفضى باباكى هيشك فيكى وهتقل ثقته فيكى وهيحصل مشاكل
وممكن يمنعك من دراستك وتبقى خسرتى اهلك ومستقبلك بسببي وغير كده انتى
هتزهقى وانا عارف كلها سنه ولا اتنين وهتقوليلى يلا يا احمد تعالى اتقدم
انا زهقت وممكن كمان تحبى حد غيرى وتسيبينى وانا مش هستنى اما لحظة زي دي
تيجى عليا قلتله يا احمد انا لو عايزة اسيبك ما كنت سبتك من الاول قالى
والله انتى بتقولى كده دلوقتى لكن بعدين اما تكبرى وتدخلى جامعه وتلاقي
زمايلك بيتخطبوا ويتجوزوا وكده هتضايقى وتقولى انا هستنى لحد امتى وانا مش
عاوز اعلقك ولا اعلق نفسي معاكل اكتر من كده انا بعمل كده والله العظيم
عشان خايف ع مستقبلك عشان انا لو معملتش كده دلوقتى ممكن تلاقينى عصب عنى
دمرتك بعدين من غير ما اقصد مثلا باباكى يعرف ويعمل اللي قلتلك عليه ده
قلتله انا كفيله بنفسي يا احمد ملكش دعوة انت بس قالى وانا مش هستنى لما
اشوفك انتى واهلك في خصام وزعل وعدم ثقه فيكى انا ما ارضيهالكيش قلتله يعنى
ايه عاوز تسيبنى قالى لا انا مقلتش كده شوفى انتى عاوزة ايه وانا هعمله
قلتله احنا اساسا بعد اللي انا سمعته ده عرفت ان مهما يكون اللي انا عاوزاه
اللي انت عاوزه هو اللي هيحصل لانى مش هينفع اكمل مع واحد مش عاوزنى قالى
متقوليش كده والله العظيم بحبك وانا بعمل كده عشان مصلحتك وعشان خايف عليكى
انا بضحى بحبى وبدوس ع قلبى عشان خاطر احافظلك ع مستقبلك وما ادمروش قلتله
مادام انت عارف اه اصلا انت مش هتكون ليا ليه جيت من الاول خالص وقلتلى
انك بتحبنى وعلقتنى بيك قالى لانى فعلا بحبك بس لحد امتى هنتعلق ببعض
صدقينى يا الحب ده مش هو كل الدنيا الحب جرح وقسوة وفراق قلتله انت واخد
مفهوم غلط عن الحب وربنا يسامحها اللي عملت فيك كده قالى مين قلتله
الاولنيه قالى بصي اكدب عليكى لو قلتلك لا هي فعلا كرهتنى في الحب وعشان
كده انا مش عاوز اجرحك زي ما هي جرحتنى قلتله شفت بقى انها ماثرة فيك لحد
دلوقتى قالى مش ماثرة فيا بس انا وهى دلوقتى اما بنشوف بعض مش ببقى طايقها
ولا هي كمان بتكون نظرتنا لبعض نظرة كره ومبفتكرهاش بخير ومش عاوز ده يكون
بينى وبينك انا عاوزك لو شفنا بعض تانى يكون بينا نظرة معزة واما تتكلمى
عليا مش تتكلمى بالوحش وعاوزك تفتكرينى بالخير وانا كمان انا مش عاوز ادمرك
قلتله طب يعنى هو وانا قاعده معاك دلوقتى تعباك في ايه قالى مش تعبانى
بالعكس انا فرحان اننا سوى بس انا مش عاوز ادمرك معايا واعطلك مستقبلك
هسالك سؤول قلتله اتفضل قالى هو انا هخسر حاجه لو مشيت معاكى وخرجنا ورحنا
وجينا زي ما كل الشباب بيعملوا بالعكس اي حد بيخرج مع بنت بيكون فرحان
وبيمنظر بقى مع صحابه انه ماشي مع بنت بس انا مش كده ومش هعمل كده معاكى
عارفه ليه لانك انسانه بجد ونادرة في الزمن ده وبجد انا عارف انى مش هلاقي
زيك تانى بس الظروف هي اللي بتفرق قلتله يعنى هنبعد قالى لا انا عاوز اسمع
رايه قلتله ماليش راي قالى لا قلتله بعد اللى قلته ماليش راتي قالى ليه هو
انا يعنى خلاص كلامى كتاب منزل يا بنتى لو مش عاوزانا نبعد قولى قلتله لا
لازم نفترق قالى انتى بارده قلتله ليه قالى عشان وافقتى ع طلبى انا عاوزك
ترفضي وتناقشينى لحد ما وصل لحل يرضينا احنا الاتنين قلتله خلاص مش انت
هتسبنى قالى لا انا مش هسيبك احنا الاتنين هنسيب بعض فيه فرق اوي قلتله ايه
هو قالى الفرق اننا دلوقتى باخد رايك وبنتناقش وممكن نغير الراي ده من
دلوقتى قلتله بس مش هينفع اكمل معاك وانت مش عاوزنى قالى لا انا عاوزك وفي
نفس الوقت بضحي بحبى وبدوس ع قلبى عشانك قلتله خلاص يا احمد هنبعد قالى
متاكه قلتله اه قالى طب انا قدامك اهوه النهارده هيكون اخر يوم نشوف بعض
فيه لو عاوزة تقولى حاجه قولى قلتله لا شكرا قالى لا اتكلمى وقولى اللي
جواكى دلوقتى قلتله مش عاوزة حاجه فضل يطلب منى انى اتكلم وانا مرضيتش بس
هو ده اللي حصل بس انا مش عارفه انساه وهكلمه تانى .