تهيس مابعد الامتحانات

موضوع: تهيس مابعد الامتحانات 27/6/2010, 03:23

تررررررن تررررررررن تررررررررررن

الام: الو

احمد: الو ,,, ازيك يا طنط عامله ايه

الام: الحمد لله و انته عامل ايه يا ابنى

احمد : تمام الحمد لله ممكن اكلم محمد

الام: و الله محمد نايم دلوقتى بس لو فى حاجه ضرورى ممكن اقولهالو ...

و لا تحب اصحيهولك؟ ؟

احمد : ياريت يا طنط تصحيه معلش يعنى

الام : حاضر يا بنى

يا محمد يا محمد كلم صحبك أحمد على التليفون ...

محمد: حاضر يا ماما انا كونت قايم اصلا

محمد : الو ,,, مين معايا

احمد : كونداليزا رايس

محمد : يا بنت الايه و مال صوتك احلو كده ليه

احمد : يا عم انا أحمد انته هاتستظرف على الصبح

محمد: بس احنا المغرب دلوقتى يا خفة

احمد : تصدق يلا انا جزمه اصلا ان انا اتصلت بيك علشان اقولك انك اتزفت نجحت

محمد : طيب ما انا عارف

احمد : عارف ايه ,,, عارف انك نجحت

محمد: لا ,,, عارف انك جزمه

احمد: ايوه يا عم هزر هزر ما هو الناجح يرفع ايدو

محمد : اشمعنه

احمد : انته هاتخشلى قافيه

محمد : خلاص يا عم ,,, المهم التقدير ,,, هاه التقدير ايه
احمد : مش فاهمك الحقيقه ,,, ممكن توضحلى النقطه دى

محمد : بقولك التقدير انا جبت تقدير ايه

احمد: يا عم انته هاتعيش الدور دا انته لولا درجات الرافع كانت بقت تالت سنه ليك فى رابعه

محمد : يا عم انته هاتزلنى

احمد : عم ايه ,,, انته شايفنى واقف تحت بيتكم بالجلابيه و بقول مسكره يا جوافه

محمد: مكنتش اعرف ياد ان كليتنا بطلع ناس بالمرح و الخفه دى كلها

احمد : يلا معلش عيد الام بقه

محمد : بلا عيد الام بلا عيد العمال المهم انت عملت ايه

احمد : انا الحمد لله طلعت بجيد

محمد : و هو احنا عندنا ماده اسمها جيد ,,, لا حول و لا قوه الا بالله ,,, يلا ربنا معاك

احمد : ده انا جبت تقدير جيد ياض

محمد : طيب كويس ربنا يوفقك و مقبول من جيد مش هاتفرق

احمد : على رايك

محمد : هاه هانعمل ايه دلوقتى

احمد: الحقيقه مش عارف ,,, محتار بين بيض بالبسطرمه و فول بالسجق

محمد : يا راجل ,,, مش تقول انك محتار كده
انا اقولك بص انته تعمل عبيط

احمد : خلاص يا عم ,,, انا اسف

محمد : اسفك مش مقبول ,,, اسفك جيد جدا
بس بجد هانعمل ايه بعد ما اخدنا البكالوريوس

احمد : هانبدا بقه رحلة البحث على شغل كويس علشان ناكل عيش

محمد : و انتو معندكوش عيش فى البيت و لا ايه

احمد : لا معندناش و مين قالك ان احنا معندناش

محمد: لا ابدا جالى هاتف

احمد : و جبتو على كام

محمد : لا هو اتمختر و جالى لوحده

احمد : بس انا بجد مخنوق اوى من حكايه الشغل دى يا محمد

محمد : هه ,,, يارب

احمد : يارب ياعم ,,, بس انته عارف الوسايط و الكلام ده مالى البلد

محمد : تحيا جمهوريه مصر العربيه يا عم
ما تخفش يا عم ربنا هايفرجها انشاء الله

احمد : و الله يا محمد ان لولا كلامنا و تهريجنا مع بعض فى بلدنا دى كان الحال رسى بينا على حاجتين
يا اما كنا ولعنا فى نفسنا
يا اما كان اتولع فينا

محمد : يا عم هيس تعيش كويس

احمد : قشطه يا بوب و ناوى تعمل ايه دلوقت
محمد : هقضيها فساد

احمد : قشطه شكلك هتكمل نوم صح ؟؟؟

محمد : حافظنى ياض و الله انت برنس

احمد : يا عم انت اللى بوب روح غور بقى و نام و اشوف وشك بكره

محمد : يلا فى ستين داهيه يا صاحبى

احمد: الله يحرقك يا حبى تصبح على ستين نيله

محمد : و انت من اهله يا فقر

موضوع: رد: تهيس مابعد الامتحانات 15/1/2011, 03:24

تصدق ان انا توهت او هيست

» احلى حاجه الامتحانات‏